牙醫李盈姿721元朗站被截查 三日後被機構即時解僱

[matrix]

牙醫李盈姿 7.21 元朗站被截查 三日後被機構即時解僱

全文：https://tinyurl.com/387rpukj

721 元朗襲擊事件七年當日，李盈姿手持西瓜到場後被便衣警截查近一小時，期間搜出寫著「搜乜撚嘢」文件夾。

李盈姿指之後的星期四（7月24日），突然接到公司致電要求上辦公室見面，她已感到事有不妥。到達後，有同事幫她開門時流淚，「拍拍我，叫我保重」。之後人力資源部同事與她會面，問她會否自願離職，否則就會被解僱；她拒絕後被即時解僱，「嘢都唔准執，同事會幫我執寄返畀我」、「叫我體諒佢哋，機構好大，如果唔係咁做，就會影響成個機構同政府嘅合作」。

李盈姿引述對方指，她去年涉擺街站無牌籌款罪成，未有向公司報告，她承認因跟專業無關而未有報告，亦正與牙醫委員會處理事宜、惟未有定案，認為案件性質輕微，不足以成為解僱理由。公司解僱信列出的理由，最終是工作表現未如理想 (unsatisfactory performances)，原一周上班兩日的她，自問一直沒收到病人投訴、業績和表現亦不比其他牙醫遜色，她認為機構「冇乜理據，唔滿意都唔會即刻解僱，夾硬堆砌一個理由」，而「背後勢力係難以置信」。

李盈姿又透露自己已是第二次被僱主即時解僱。她認為兩次事件手法類同，要「即走，唔可以處理手頭上病人」，批評做法是妄顧病人利益。她指上次被解僱後，求職沒有困難，但「今次打定輸數」，因很多醫療和非牟利機構跟政府有合作，「如果用呢樣野要脅，都唔會搵到工」，形容最可惜是失去服務社會的機會。她說長遠會考慮退休，因工作多年已「做到殘晒」，除職業病亦面對工作壓力，形容「炒咗我仲無後顧之憂」。

Source: 集誌社 The Collective HK

[matrix]