12/5 - 《大埔火災死難者悼念晚會》

[matrix]

《大埔火災死難者悼念晚會》

一場大火，奪去最少 156 條人命，至今仍有唔少人失蹤。

一次人禍，即使早已有人提示重重環節出錯，但喺禮樂崩壞、制度失常嘅香港社會，本來可防範嘅災難卻變成避無可避。

一城二地，縱然我哋遠在英國他鄉，我哋嘅思念仍縈繞死難者及其家屬、災民、勇敢嘅消防同救護人員、同心同德嘅義工、及仍勇敢發聲對抗不義嘅香港人。

我哋在此深切悼念所有死難者，並祝願傷者吉人天相。我哋亦向家屬同痛失家園嘅災民致以深切慰問，期望所有受災者能夠渡過今次難關。

但同時，我哋必須嚴正譴責高官權貴嘅失職失德。一班港共官員身居其位卻不思其政，更再三以「國安」為名打壓公民社會。連提出合理訴求都被視為「煽動」，我哋又點仲可以原諒呢個泯滅良知嘅港共政權？

香港人既悲亦憤，而我哋遠在他方，更添無力。但就讓我哋喺嚟緊星期五，一齊悼念死難者、祝福受難者，並聲討港共政權，還香港人一個公道。

香港人，節哀。
香港人，憤怒。
香港人，加油。

晚會詳情：
日期時間：2025年12月5號 下午6:00-8:00
地點：All Souls' Church, 31 Blackman Ln., Leeds LS2 9EY
內容：默哀、獻花、寫心意卡、情緒支援服務分享
（現場會有社工提供情緒支援輔導，歡迎有需要人士查詢）
備註：黑色衣着，請配備黑絲帶、電子蠟燭及花

合辦團體：
列斯手足連線
Re-Water